Løpet hadde i år 24 etappar og heile 61 personar var med  på løpet.  Einskildpersonar og familiar melde si interesse for å vere med og fekk tildelt ulike etappar.  Her kunne ein nytte så mange personar ein ønskte.

Etter målgang samlast deltakarane på grendahuset til uformelt premiedryss, kaffi, saft og kaker.

Frå Velledalen Naturbarnehage SA deltok 3 frå personalet og 2 barn.  Litt moro var det at ei av vekslingane var mellom Anders (snart 5 år) som går på  uteavdelinga Råna og Anita Nakken  som er pedagogisk leiar på Geita!

Neste år håper vi at endå fleire barn og vaksne frå barnehagen melder si interesse for å vere med. Det er plass til alle!