Nærmiljøet til barnehagen er svært bra med nærleik til elvar, turstiar, Fetvatnet, skogen, sætrar, fjell og idrettsanlegg. Barnehagen disponerar eit stort uteområde som er under stadig utvikling. Planane framover er å få planta frukt og bær, dyrke ulike grønnskaker og urter. Ulike dyr er også venta på sesongbesøk i barnehage-hagen.

Med dei naturgjevne føresetnadane i nærområdet er det naturleg for barnehagen å ha uteliv som hovudfokusområde. Vårt ønskje er at barna i barnehagen skal få gode opplevingar frå leik i naturen og friluftsakvitetetar, samt kunnskap om korleis vi dyrkar mat og kontakt med små og store husdyr.

Vi ønskjer at barna skal trivast ute i alt slags vêr, vere aktive, utforskande og nyfikne over kva dei opplever ute i naturen, og såleis lære seg å bli glad i naturen. Det ein er glad i og som tyder noko for ein når ein er liten, er det lettare å ta vare på og nytte på ein berekraftig måte i vaksen alder.